Шуақты көктемнің бірінші күні «Алғыс айту»  еліміз үшін,  аса маңызды мерекелердің біріне айналған. Шымкент қаласындағы Жастар ресурстық орталығының ғимаратында №4 балалар үйі тәрбиеленушілерінің ұсынған «Рахмет Отаным» атты концерттік қойылымы  өтті.

Аталған іс шараға ОҚО отбасы, балалар және жастар ісі жөніндегі басқармасының орынбасары Н.Асанов, Қазақстан мұсылмандары діни басқармасының ОҚО өкілінің орынбасары М.Ақтамберді, Облыстық әйелдер кеңесінің төрайымы Б.Жолдасова, Қаратау ауданы әкімдігінің Кәсіпкерлікті қолдау бөлімінің басшысы Г.Бердибекова қатысты.

Балалар үйінің тәрбиешілерінің ұсынған концерттік бағдарламаға демеушілік жасаған Қаратау ауданы  кәсіпкерлері мен мешіт те тыс қалған жоқ. Өкіл имам Б.Бейсенбаевтың ыстық ықыласын жеткізіп, шынайы алғыс хатын балалардың қас-қабағына қарап жүрген тәрбиешілерге табыс етті.  

Ынтымақтастық пен тату­лық­тың нышанын суреттеген бүлдіршіндер шығармаларына қала тұрғындары мен жастар дән риза болды.