ДІНИ МЕРЕКЕЛЕР 
Шығыс Қазақстан облыстық «Халифа Алтай» мешітінің баспасөз қызметі
01.03.2018
3831
0 пікір
ҚМДБ ағымдағы жылды «Ислам және отбасы» жылы деп жариялауына байланысты ҚМДБ Өскемен аймағы өкілдігі «Зере ана» атты қайырымдылық қор құрды.
Қордың негізгі мақсаты: жат ағымдардың әрекетінен зардап шеккендерге материалдық және рухани қолдау көрсету, кері ағымдардан қоғамды сақтандыруға арналған шаралар жасау.
Осы қор Шығыс Қазақстан облыстық «Халифа Алтай» мешітінде көпшілікке таныстырылды. Шараға мешіт қызметкерлері мен жамағаты, белсенді азаматтар қатысты.
«Біз ҚМДБ жариялаған «Ислам және отбасы» жылы аясында осы қорды құрып отырмыз. Қор отбасылық тәрбиенің тетіктерін нығайту, жат ағымдардан сақтандыру, мұқтаж отбасыларға көмектесу секілді иглікті шараларды атқаратын болады. Қорға ұлтымыздың ұлы данасы Абай атамыздың әжесі Зере анамыздың есімін беруді жөн көрдік. Қор ресми тіркеліп, бүгін қызметін бастап отыр» деді қордың төрағасы, Шығыс Қазақстан облыстық «Халифа Алтай» мешітінің наиб имамы Дәулет Қабидолдин.
Жиында қордың төрайымы, өкілдіктің «әйелдер-қыздар» секторының жетекшісі Талшын Қожахметова сөз сөйлеп, атқарылатын шаралардың негізгі бағыттарын түсіндірді.
Жиналғандар қордың жұмысына сәттілік тіледі.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру