Аталмыш игі шарада Шамшат Әділбаева «Мұсылманның шаңырағындағы жәннаттық шуақтар» атты тақырыбында тағылымы мол лекция оқыды.

Лекция барысында Шамшат ұстаз пайғамбарлар тарихынан отбасылық қатынастарға қатысты мысалдар келтірді. Атап айтсақ, Сүлеймен (ғ.с.), Ибрагим (ғ.с.) пайғамбарлардың отбасындағы қарым-қатынастары жайлы салиқалы сөз қозғалды.

Сонымен қатар, үмметтің аналары – Хадиша, Айша аналарымыздың өмірінен мысалдар келтіріп иманды жар, салихалы ана бейнесін ашты. Қазіргі кезеңде иманды отбасындағы әйел затының орны мен бала тәрбиесіндегі мән берілу керек мәселелерге де тоқталып өтті.