ДІНИ МЕРЕКЕЛЕР 
Семей Қос мұнаралы орталық мешітінің баспасөз қызметі
26.02.2018
3608
0 пікір
Семей Қос мұнаралы орталық мешітіне заман талабына сай жаңа үлгідегі кілем төселді. Жалпы көлемі 450 шаршы метрді құрайтын кілем жомарт жандар көмегімен алынған болатын.
Шара барысында Өкіл имам игі істерге бастамашы болып жатқан жомарт жандарға мешіт жамағаттарының атынан алғысын білдірді.
Өкіл имам Алтыбай Мақсат Қуанышұлы өз сөзінде:
«Алланың Елшісі ﷺ мешіт салу, оның көркеюіне атсалысу үлкен сауап екенін айтқан. Бұл жайында Пайғамбарымыздың ﷺ хадисінде: «Адам баласы дүние салғаннан соң оның амалы тоқтайды. Тек мына үш амалдың сауабы иесіне үздіксіз жетіп тұрады. Олар: үздіксіз садақа, пайдалы ғылым, артынан дұға қылатын салихалы перзент», – деген. Осы сауабы толассыз барып тұратын садақаның бірі - мешіт салу. Мешіттердің шариғат талаптарына сай таза, жарық болып, нұрланып тұруы жамағаттың көңіл- күйін көтереді. Мешіт тек Құран оқып, намаз оқып кететін құлшылық үйі ғана емес, ол жерде жастарымыз білім мен тәлім тәрбие алады. Біз қашанда мешіттеріміздің құлшылық орны ғана емес, діни-рухани орталыққа айналуын мақсат етеміз. Мешіт жамағаты ұйымшыл, ынтымағы мен бірлігі күшті, иманы бекем болса, сол халықтың іргесі бекем, берекелі болады», – деді.
Өкіл имам мешіт атынан жомарт жандарға алғыс хат пен сыйлық тарту етті.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру