ҚМДБ-ның Павлодар облысы өкілдігіне қарасты қала, аудан имамдарының 2018 жылғы алғашқы басқосуы қалалық «Умар әл-Фаруқ» мешітінде өтті. Жиналысқа облысқа қарасты қала, аудан имамдары толығымен қатысты. Өкіл имам Н.Исеновтың басқаруымен өткен бұл жиында аталмыш имамдардың 2017 жылы атқарылған іс-қызметтер есебі (жылдық есеп видео ролигімен қоса), жат ағыммен жұмыстар есебі, «Нұр Мүбарак» университеті мен медреселерге шәкірттер дайындау барысы, ҚМДБ-нан бекітілген бесін, ақшам намазынан кейін айтылатын уағыздар барысы талқыланды.

Мінберге кезегімен көтерілген қала, аудан мешітінің бас имамдары өткен жылы атқарған іс – қызметтерінің есебін бейнеролик арқылы таныстырып, 2018 жыл шыққаннан бергі іс-қызметтеріндегі жаңа бастамаларымен таныстырып, өкіл имамның қойған сұрақтарына жауап берді. Сонымен қатар өз әріптестеріне үлгі боларлық тәжірибелерімен бөлісті. Қызмет барысында кездесетін кейбір мәселелерді ортаға салды. Алдағы мерзімде атқаратын іс-шаралар жоспарын талқылап, пәтуаға келді.

Жиын соңында өкіл имам Н.Исенов іс-қызметін табысты атқарған қала, аудан имамдарын алғыс хатпен марапаттады.