Өткен жылдан бері облыс әкімінің бастамасымен ата-анасының қамқорлығынсыз қалған балаларға қолдау көрсету мәселесі көтеріліп, осы мақсатта нақты іс-шаралар жүзеге асуда. Оған Ақтөбе өкілдігінің қызметкерлері де белсене атсалысуда.

Осы ретте, қалалық орталық мешіттің имамдары мен алқа мәжілісінің мүшелері Рамазан есімді 10 жасар баланы қамқорлығына алды. Рамазанның хал-жағдайын біліп, жақынырақ сұхбаттасып қайтты. Айта кету керек, Рамазанға бүгінде банктен жеке есепшот ашылып, мешіт тарапынан белгілі бір мөлшерде қаражат аударылымы жасалып тұрады. Бұл өз кезегінде баланың болашағы үшін жасалған жағдай.