ДІНИ МЕРЕКЕЛЕР 
Шығыс Қазақстан облыстық «Халифа Алтай» мешітінің баспасөз қызметі
02.02.2018
3330
0 пікір
ҚМДБ Өскемен аймағы өкілдігі «Шығыс Қазақстан облыстық Қан орталығымен» бірлесіп, қасиетті Жұма күні облыстық «Халифа Алтай» мешітінде «Өмір үшін!» атты қан тапсыру акциясын ұйымдастырды.
Игі бастама аясында мешітке келген қауым қан тапсыру шарасына қатысты. Қанға мұқтаж жандарға өмір сыйлауға асыққан жамағаттың ынтасы ерекше болды.
«Адамдардың өміріне арашашы болу-асыл дініміздегі ең сауапты амалдардың біріне жатады. Біз бұл шараны облыстық және Өскемен қаласындағы мешіттердің қатысуымен жүйелі ұйымдастырып келеміз. Акция алдағы уақытта да жалғасатын болады»-деп атап өтті, Шығыс Қазақстан облыстық «Халифа Алтай» мешітінің наиб имамы Дәулет Қабидолдин.
Басқаға өмір сыйлау үшін шараға белсенді қатысқан жамағаттарға және игі бастамаға ұйтқы болған ұйымдастырушыларға «Шығыс Қазақстан облыстық Қан орталығының» мамандары алғыс білдірді.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру