Маңғыстау облыстық орталық мешіті жанындағы сауат ашу курсында білім алып жүрген қыз-келіншектер арасында «Ең бақытты әйел» атты басқосу болып өтті.

«Рухани жаңғыру» аясында өткен игі шараға мешіт ұстаздары мен жамағаттары қатысып отбасы және ондағы негізгі құндылықтар жайлы пікір алмасты. Өз білімдерін ортаға салып, тәжірибе алмасқан шәкірттер дән риза болып, ұйымдастырушыларға өз алғыстарын білдірді. Шара соңында қатысушылардың баршасына мешіт ұстаздары тарапынан сыйлықтар үлестірілді.