Қасиетті жұма күні Бас Мүфтидің бұйрығымен Жаңақоныс ауылындағы «Бақытжан» мешітіне жаңадан Бас имам тағайындалды.

Өкіл имам Төлеби Оспан жаңа имам Асылхан Темірхановты жамағатқа таныстырып, оның «Нұр Ғасыр» облыстық орталық мешітіндегі наиб имамдық қызметі сақталатындығын мәлімдеді. Имамның алдағы қызметіне абырой, жемісті еңбек етуін тіледі. Өз кезегінде жамағатқа да жаңа, жас имамға қолдау білдіру керектігін айтып, жамағат ауызбіршілігіне баса мән берді.

Жаңа имам Асылхан Нұртайұлы тақырыпқа сай жұма уағызын жүргізіп, садақа берудің сауабы мол іс екендігін тілге тиек етті.

Асылхан Темірханов «Астана медресесі» колледжінде, кейін «Нұр Мүбәрак» Египет ислам мәдениеті университетінде білім алды. Діни қызметін Бұқар жырау аудандық мешітінен бастаған.