Игілікті іске мешіттің жамағаттары мен шәкірттері, ақжаулықты әжелер мен абзал аналар қатысты.

Мәуліт мерекесінде ғибратты тағылымдар айтылып, танымдық бейнесюжеттер көрсетілді.

«Мәуліт мерекесін «әйелдер-қыздар» секторынан тағылымдық шара ретінде жасап отырмыз. Бұл іске сауат ашу курсының шәкірттері аса белсенді қатысты. Мәуліт мерекесінің әр шарасына мешіттің шәкірттерін жұмылдырдық. Мерекені жиналған қауым аса ынталы, зор қызығушылықпен тамашалды» деп атап өтті, шараны ұйымдастырушы Шығыс Қазақстан облыстық Халифа Алтай» мешітінің «Әйелдер-қыздар» секторының жетекшісі Талшын Қожахметова.

Мәуліт шарасының соңынан мерекелік дастархан жайылып, әжелер түрлі тағылымдар айтып, дұға жасалды.