Осыған дейін хабарлағанымыздай «Уақып» қайырымдылық қоры ауыл имамдарына, ауыл мешіттеріндегі молдаларға қаржылай қайырымдылық көмек көрсеткен болатын. Көмек көлемі 50-60 мың теңгені құрайды.

Аталмыш көмекті барлығы 205 имам алған болса, оның 5-і Сыр өңірінің имамдары.

Өз кезегінде ҚМДБ-ның Қызылорда облысы бойынша өкілі, орталық «Ақмешіт-Сырдария» мешітінің бас имамы Омаров Талғат Сейіткәрімұлы көмекке ие болған ауыл имамдарына көмекті табыс етті.

Ауыл имамдарының әлеуметтік жағдайына қарайласқан, қайырымдылық көмектің берілуіне үлес қосқан азаматтарға имамдардың ризашылығы шексіз.