Күндердің сұлтаны болған Жұма күні республикалық «Әзірет Сұлтан» мешітінде әдеттегідей қайырымдылық шарасын өткізіп, Астана қаласындағы мұқтаж отбасыларға азық-түлік тарату жұмыстарын жүргізді. Астана қаласының Әсет Өрентайұлының бастамасымен жүзеге асқан «Астана – мейірімді қала» қайырымдылық акциясы аясында 40 отбасыға азық-түлік қораптары үлестірілді.

Арнайы қораптағы азық-түлік қорын тарату жұмыстарына «Әзірет Сұлтан» мешітінің бастамасымен құрылған «Желідегі жақсылық» еріктілер тобы да белсене атсалысып, қайырымдылық қораптарын тізімдегі мұқтаж жандардың үйлеріне апарып үлестіруге қатысты.