Жатақхана 2007 жылы пайдалануға берілген. 10 жыл ішінде күрделі жөндеуден өтпеген ғимараттың төбесінің тозығы жетіп,  жаңбыр құйып, қар жауғанда ішке су кететін болған. Енді төбенің ескі жабындысы ауыстырылып, шатырға беріктігі жоғары, сапалы жаңа материалдар төселді. Айта кетсек, шатырдың ауданы 600 шаршы метрді құрайды.

Сонымен бірге, жатақхананың жылу жүйесі де толық жөнделу үстінде. Істен шыққан құбырлар, бұрынғы есептеуіш жабдықтардың орнына су жаңа құрылғылар орнатылды.

Демеушілердің көмегімен жөндеу жұмыстарына 3,5 миллионға жуық қаражат жұмсалды. Ендігі таңда жатақхананың іші-сырты қыс маусымына толықтай дайын.