Талдықорған өңірі бойынша аудан-қала, ауыл имам-молдаларына 3 күндік оқыту семинары басталып кетті.

Өңірдің өкіл имамы Серікхан қажы Рымханұлы, семинардың ашылу салтанатынан кейін, "Имамдықтың-жауапкершілігі" тақырыбында дәріс оқыды.

Аталмыш 3 күндік семинарды өкіл имамнан бөлек, психология мамандары, теологтар және хадистану мамандары жүргізетін болады.

Өңірге қарасты аудан-ауылдардан келген 80 имамға оқу залы, жатақханасы, тегін тамағы толығымен қарастырылған.

Сонымен қатар, имамдарға кешкі серуенге шығуымен қоса, спорттың әр түрінен жарыстар ұйымдастырылады.