Құрбан айттың алғашқы кешінде Талдықорған қаласына қарасты «Қаратал» жағалауында айттық игі шара аталып өтілді.

Ізгі амалдың мақсаты - халықтың көңілін көтеріп, Құрбан айттың қасиетін сезіндіру еді. Мешіт атынан арнайы шараға  жоспар жасалынып, өкіл имамның құттықтау сөзінен кейін, оқушыларға шарлар таратылды.

Әртүрлі ойындар ойнатылып, жеңімпаздарға ойыншықтар, сыйлықтар берілді.

Кешкі кездесуде концерттік бағдарлама от шашу сынды көріністер жасалды. Сонымен қатар, 350 балаға мешіт атынан бал шекерлі балмұздақтар тегін таратылды.

Мешіт имамдары мен ұстаздарына дән риза болған бүлдіршіндердің қуаныштарында шек қалмады.