Қазақстан Қажылық миссиясы жанынан ашылған медициналық көмек көрсету орталығы жедел жәрдем көлігімен қамтамасыз етілді.

«Жедел жәрдем көлігі Мекке қаласы бойынша әр жерде орналасқан қажыларға қажет жағдайда шұғыл жетіп, алғашқы медициналық көмек көрсетуге дайын. Аллаға шүкір, қазір оқыс оқиға тіркелмеді. Лайым солай болғай.

Мәдина қаласында бір қажы апамыз ғана аяғын жарақаттап алды. Оған қажетті медициналық көмек көрсетілуде. Науқастанып қалған отандасымыздың қажылық парызын өтеуге Қажылық министрлігі жан-жақты көмек көрсететін болды», – дейді Қажылық миссиясының өкілі, дәрігер Руслан Ізбасаров.