Құрбан айт мерекесіне орай ҚМДБ-ның БҚО бойынша өкіл имамы Руслан Сұлтанов пен ҚР, журналистер одағының мүшесі, баспасөз хатшысы Нұрлан Саматұлы жергілікті «Қазақстан – Орал» телеарнасының «Күншуақ» бағдарламасыylf сұхбат берді. Сұхбат Қасиетті Құрбан айт турасында өрбіді. Ұлық күндегі құлшылықтар, құрбан шалу жайында кеңестер айтылды.

Өкіл имам Руслан қажы Тыныштықұлы өз сұхбатында ҚМДБ-ның төрағасы, Бас мүфти Ержан қажы Малғажыұлының Құрбан айт мерекесіне арнаған құттықтауын тұрғындарға жеткізді. Сондай-ақ, құрбан айт мерекесінің тарихына тоқталып, журналисттің сұрақтарына жауап берді.

Діни рәсімдерді атқаруда кездесетін қарама-қайшылықтарды болдырмау, шариғат үкімдеріне сай өткізу мешіт имамдары мен молдаларына міндеттеліп отыр.

Түстен кейін сұхбат «Руханият» бағдарламасында өз жалғасын тапты. Бұл шараға Орал орталық мешітінің наиб имамы Самат Әлібаев қатысты.