Кеше Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаментінің ұйымдастыруымен облыс көлемінде «Жемқорлыққа, парақорлыққа жол жоқ!» атты акция өтті.

Акция аясында облыс әкімдігінің өкілдері, зиялы қауым өкілдері мен дін мамандарның қатысуымен «Қазақстан жемқорлықсыз өмір кешеді» атты тақырыпта үлкен көшпенді семинар өтті. Арнайы білікті мамандар шақыртылып, көлемді сюжет түсірілді.

Шараға қатысқан Ақтөбе қалалық орталық мешітінің бас имамы Амантай Садиев жемқорлықтың ауыр күнә екендігін, оның қоғамға тигізер зардабын айтып, сұхбат берді.