Көрнекі сурет: интернеттен

Корпоративтік "Зекет" қорының Астана қаласы өкілдігінің 5 жылдық мерейтойына орай әрі қасиетті Рамазан айының қарсаңында "Добрый хлеб" акциясын бастады. Акция мақсаты - мұқтаж, әлеуметтік жағдайы төмен жандарды, зейнеткерлерді нанмен қамтамасыз ету. Жоба аясында дүкендерде "Добрый хлеб" сөрелері орналастырып, күнделікті түрде нан қойылады. Айына 1350 бөлке нан таратылады.
Елордамыздағы "Мәлік Ғабдуллин 3" мекен-жайындағы "Тәтті" дүкені мен "Абай даңғылы 9а" мекен-жайындағы "Слобода" дүкені қайырымдылық шарасын қолдап, "Добрый хлеб" сөресін орналастырды. Астананың кез-келген тұрғыны осы шараға қатысып, аталмыш дүкендердегі сөрелерге нан не өзге де азық-түлікті қалдырып кете алады. Ал егер Сіз дүкен иесі болсаңыз, онда "Добрый хлеб" сөресін дүкеніңізде орналастырып, қайырымдылық шарасына үлесіңізді қоса аласыз.+