Жамбыл облысындағы діни білім ордасы "Һибатулла Тарази" медресесі бірнеше жылдар бойы шәкірттер тәрбиелеп келеді. Білімді де білгір мамандарды даярлайтын оқу орны биыл 3-ші түлектерін ұшырғалы отыр. 

Осыған орай, оқуды тәмәмдаушы 3-курс студенттері Құран, араб тілі, фиқһ пәндері бойынша диплом алды кешенді емтихан тапсырды.

Сынақты комиссия төрағасы "ҚМДБ-ның діни білім және кадр дайындау" бөлімінің меңгерушісі Бақтыбай Бейсенбаев, осы медресенің директоры Данияр қажы Жұмабаев, "Сарыағаш" медресесінің ұстаздары Нұралы Төребеков пен Еркін Қадыровтар қабылдады.

Бітіруші түлектердің саны 8 болса, олардың 4-еуі қызыл дипломға үміткер. Шәкірттер емтиханды сәтті тапсырып, жақсы деген көрсеткіш көрсетті. Шәкірттерге алдағы білім жолдарына сәт сапар тілейміз!