Жуырда ғана жаңадан Бас имам тағайындалған ембіліктер үшін Рамазан айында және бір ерекше тарту жасалды. Өкілдік тарапынан жүргізілген келіссөздер нәтижесінде қаладағы «Нұр» мешітінің жері мен ғимараты Қазақстан Мұсылмандары діни басқармасының балансына өтті.

Өткен жұмада ауданның Бас имамы Ерболат Жүсіпов мешіттің іргетасын қалап, рухани құлшылық ордасының ел игілігіне қызмет етуіне көп еңбек сіңірген Сәрсенбай Тілеуқұлұлына жамағат алдында зор алғысын жеткізді. Өкіл имамның атынан арнайы Алғыс хат табыс етіп, ақсақалдың иығына құрметтеп шапан жауды.

Діни басқарманың шешімі бойынша мешіттің атауы өзгертілместен, бұрынғыша «Нұр» мешіті болып қалдырылды.