Бүгін еліміздің түкпір-түкпірінде балаларды қорғау күні аталып өтті. Осы оқиғаға байланысты Науан хазірет мешітінің әйелдер-қыздар секторымен де арнайы шара ұйымдастырылды.

Бұл мешіт жанында қыз балаларға арналған сауат ашу курсының ашылуымен және Рамазан оразасымен тұспа-тұс келді. «Нұр-мүбәрәк» ислам университетінің студенттері, мешітте тағымдамадан өтіп жүрген Севара Мирғалиева және Жұлдыз Мұхамеджарова ойындар ойнатып, ислам жайлы тағылымды әңгімелер айтты.

Соңынан бүлдіршіндерге дастархан жайылып, тәтті шырындар мен тоқаштар ұсынылды. Естелік сыйлықтар ретінде ойыншықтар тарту етілді.