Қасиетті Рамазан айында Зеленов ауданы, Плодоовощной ауылдық клубында  ҚМДБ-ның БҚО бойынша өкіл имамы Руслан Сұлтанов жергілікті жамағатпен кездесті.

Бұл кездесуге  облыстық дін істері басқармасының басшысы Талғат Нығметов, Плодоващной ауылдық әкімі Бекқали Базарбайұлы, Жамбыл ауылдық кітапхана меңгерушісі Фарида Амандәулетова қатысты.

Ауыл әкімі Бекқали Базарбайұлы Руслан қажы Сұлтановты көпшілікке таныстырып, сөз кезегін ұсынды. Өкіл имам жиналған жамағатты Рамазан айымен  құттықтап, ҚМДБ-ның төрағасы, Бас мүфти Ержан қажы Малғажыұлының ыстық сәлемін жеткізді. Исі мұсылман жамағатына жолдаған Үндеуі жайында, ұлық ай «Рамазан» турасында жиналған көпшілікке кеңінен насихат жүргізді.