Маңғыстау облыстық орталық мешітінде әйелдерге арналған үш айлық сауат ашу курсын тәмамдаған шәкірттер емтихан тапсырды. Шараны ұйымдастырған мешіттің әйелдер-қыздар секторының жауапты мүшесі Гауһар Джумагалиеваның айтуынша сауат ашу курсына 70  әйел адам қатысқан. Оларға Ислам негіздері, фиқх, тәджуид, сира тақырыптары бойынша сабақ өткізілген.

Діни білімін жетілдірген әйелдер қорытынды емтиханда  қойылған  сұрақтарға  жауап беріп, өздерінің білім деңгейін көрсетті. 70 шәкірттің ішінде өзгелерден озық екенін көрсетіп, сауалдарға мүдірмей жауап берген 30 білім алушы арнайы сертификатпен марапатталды.