Қазақстан Республикасы Дін істері және азаматтық қоғам вице-министрі Арын Берік Сақбайұлы арнайы іс-сапармен Алматы қалалық орталық мешітінде болып, Алматы қаласының Бас имамы Нұрбек Ауесханұлымен және қаланың Бас имамдарымен кездесті.

Жиынға сондай-ақ қалалық дін істері басқармасының басшысы Айдар Рахымжанұлы қатысты. Кездесу барысында вице-министр мешіт тынысымен танысып, жаңа орнатылған садақа қабылдау құрылғысын көріп, оң баға берді. Сондай-ақ, дін істері төңірегінде өзара қарым-қатынасты нығайту және теріс ағымдардың таралуының алдын алуға қатысты имамдар тарапынан болған тың ұсыныстарды тыңдап, осы тұрғыдағы өз ойларымен бөлісті.