Орталық коммуникациялар қызметінің Ақтау қаласы филиалында ҚМДБ-ның Маңғыстау облысы бойынша өкіл имамы Смайыл Сейітбеков Рамазан айына қатысты брифинг өткізді. Жиында облыс имамы журналистерді алда келе жатқан Рамазан айымен құттықтап, ораза туралы кеңінен түсінік берді. Сондай–ақ, биылғы пітір садақ көлемі 300 теңге болатындығы айтылып, өңірдегі қала, аудан мешіттерінің барлығында кешкісін ауызашар  ұйымдастырылатынын мәлімдеді.  «Облыстық орталық мешіт күнделікті 150-200 адамға, қалалық мешіт 100-150 адамға дастархан жаятын болады», - деді өкіл имам С.Сейтбеков.

Брифинг барысында қатысушыларға су жаңа кітап - «Жаназа және жерлеу рәсімдері» кітабы таныстырылып, тілшілерге бір - бір данадан  сыйға берілді.  

Өкіл имам журналистердің сауалдарына жауап беріп, ораза Айт маусымның 25-і күні басталатындығын, Айт намазы өңір мешіттерінің барлығында таңғы сағат 7.00 де оқылатындығын хабарлады.

Маңғыстау облыстық орталық мешітінің баспасөз қызметі