Алматы облысы, Қарасай ауданында орналасқан «Үшқоңыр» медресе-колледжінде ер және қыз балалар арасында «Құранмен қауышу» атты Құран жарысы өтті.

Бұл жарыстың негізгі мақсаты - қасиетті Рамазан айы қарсаңында шәкірттерге Құранның мағынасын түсіндіру және жаттаудағы білімін шыңдау, біліктілігін арттыру еді. Алғы сөзінде Алматы өңірінің өкіл имамы Қуаныш Бақытбекұлы білім ордасындағы шәкірттерге «Құранды үйреніп, үйреткеннің сауабы мол» атты тақырыпта уағыз-насихат айтып, медресе ұстаздарына естелік хаттарын табыстап, Құран жарысына демеушілік жасаған жомарт азаматтарға алғысын жеткізіп, жүлделі жоғары орындарды иеленген үздік студенттерді қаржылай сыйлықтармен марапаттады.

Алматы өңірінің баспасөз қызметі