Қазақстан мұсылмандары діни басқармасының бұйрығымен 15 наурыз күні Маңғыстау облысына Республикалық ақпараттық насихат тобының (РАНТ) мүшесі Қабылбек Жұмабеков арнайы келді.

Маңғыстау облыстық өкілдігі тарапынан әзірленген жоспарға сәйкес РАНТ мүшесі 15 наурыз күні кешке облыстық орталық мешітте «Татулық пен бірлік біз үшін үлкен бақыт» атты тақырыпта уағыз айтты. Шам намазынан кейін басталған уағызға жамағат көп жиналды. Қабылбек Әліпбайұлы ұстаздың уағызын сағынып қалған жамағат сабырмен ұйып тыңдады.

Уағыздың негізгі желісі Алланың бізге берген тыныштығы мен бірлігіне шүкір етіп, бағалай білу және әрбіріміз соған өз үлесімізді қосуымыз тиіс деп түйіндеді.

Маңғыстау облыстық орталық

мешітінің баспасөз қызметі