Маңғыстау облыстық орталық мешітіндегі әйелдер–қыздар секторы Ақтау қаласындағы Қарттар үйіне зияраттап барды. Қарияларға өздерінің даярлап әкелген сыйлықтарын ұсынып, олардың жанына отырып, хал жағдай сұрасып әңгімелесті.

Бірі сырқат, бірі қамкөңіл қарттар көктем шуағындай жылы лебізі мен жарқын көңілін арнай келген қыз –келіншектерге риза болып, қуанып қалды.

Сектордың жауапты мүшесі Гаухар Жұмағалиеваның айтуынша барлығы 50 қарияға арнайы сый жасалып, табысталған.  Сондай –ақ , қарияларға алдағы уақытта әлі де келіп тұратындарын, қарттарға көрсетілетін құрмет пен ілтипат жалғаса беретіндігін айтты.

Маңғыстау облыстық орталық

мешітінің баспасөз қызметі