«Нұр Ғасыр» облыстық орталық мешіті жанынан ашылған «Сен де үлес қос!» қайырымдылық акциясының аясында бірқатар жанұяларға көмек көрсетілді.

Атап айтқанда, аз қамтылған отбасыларға азық-түлікпен, киім-кешекпен жәрдем беріліп, балалардың ойыншықтары  таратылды. Сондай-ақ, 10 студентке азық-түлік салынған әлеуметтік пакеттер үлестірілді.

Өткен жылдың қараша айында бастау алған акциядан осы уақытқа дейін көмекке мұқтаж көптеген жанұяларға қаржылай, заттай,  азық-түлікпен көмек берілді.  Акцияға атсалысып, мұқтаждың қажетін өтеуге жәрдемдескен, баланың жүзіне қуаныш ұялатқан жомарт жандарға  алғысымызды білдіреміз.

Ақтөбе облыстық орталық «Нұр Ғасыр» мешітінің

баспасөз қызметі