«Қайырымдылық жасасаң, қайырымын өзің көресің» деген даналардың сөзі бар. Қайырымдылық – халқымыздың ең ізгі қасиеттерінің бірі. Алла тағаланың адам баласына бұйыртқан ең игі істерінің бірі – мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасайды. «Жанашырлыққа – жан риза» дегендей мүгедек жандарға жанашыр  болып, аялы алақанын тосып, жүрек жылуын ұсыну, сауабы мол амал және әрбір мұсылманның  парызы.

Алматы облысы, Қарасай ауданы, Мерей ауылы мәдениет үйінде 1 наурыз-Алғыс айту күніне орай «Мүгедек жандарға қамқор болайық» атты қайырымдылық іс-шарасы өтті. Бұл жиынға Алматы өңірінің өкіл имамы Қуаныш Бақытбекұлы қатысып, жиналған қауымға Бас мүфти Ержан қажы Малғажыұлы хазіреттің құттықтау сәлемін жеткізіп, «Мейірімділік -мұсылманның сипаты»  тақырыбында уағыз-насихат айтты. Қайырымдылық іс-шара соңында Алмалыбақ ауылдық мешіт жамағаты демеушілігімен 20 мүгедек зағип жандарға және отбасыларына азық-түлік беріліп, сый-құрмет жасалынды.

Алматы өңірінің баспасөз қызметі