«Қайырымды нан» жобасы зейнеткерлерді, ардагерлерді, мүгедектерді және өмір қиындығына тап болған мұқтаж жандарды жаңа нанмен қамтамасыз етуді мақсат етеді.

«Бұл жоба – көмекке зәру жандарға нан өнімдерімен көмек көрсетуге ниеті барларға таптырмас мүмкіндік болмақ. Сонымен қатар, бұл игі шара — қашанда ас атасы саналатын нанның қадір қасиетін арттырып қана қоймай, адамдарды бір-біріне қамқор болуға шақырады. Сондықтан да жақсы іске жұмыла кірісіп, біздің қолдауымызға мұқтаж жандардың мойындарындағы жүгін, бірге көтеруге тырысайық! Қашанда жылулық сыйлауға жақын болайық!», - дейді «Қайырымды нан» жобасын ұйымдастырушылар.