Теміртау қалалық орталық мешітінде ҚМДБ Қарағанды өкілдігі бойынша "Әйелдер-қыздар" секторының және Сарань, Теміртау қалалық мешіттері жамағатының ұйымдастыруымен «Аялы Алақан» атты  қайырымдылық жәрмеңкесі өтті.

Жәрмеңкеде төмен бағамен ұсынылған қолдан жасалған дәмді  тоқаштар, бәліштер, ыстық тағамдар, сондай-ақ,  діни кітаптар  көпшіліктің назарына ұсынылды. Қайырымдылық акциясында  жиналған қаражат әлеуметтік жағдайы төмен отбасыларға, жетімдер үйіне үлестіріліп берілмек. Алдағы уақытта мұқтаж жандарға қайырымдылық көрсету мақсатында тағы да бірнеше іс-шараларды ұйымдастыру жоспарланып отыр. 

Қарағанды облыстық орталық мешітінің баспасөз қызметі