Солтүстік Қазақстан облыстық «Қызылжар» орталық мешітінің ұйымдастыруымен Мәулітке арналған танымдық сөзжұмбақ сайысы өткізілді. Мешіттің сауат ашу курсы өткізген бұл сайысқа шәкірт қыз-келіншектер қатысты. Олар «Ансар» және «Мұхажир» топтарына бөлініп, өнер жарыстырды. Пайғамбарымыздың (оған Алланың игілігі мен сәлемі болсын) өмірбаянына қатысты сұрақтарға олар тұщымды жауап қайтара білді. Нәтижесінде білімдарлық байқатқан «Ансар» тобы жеңіске жетіп, марапатқа ие болды.

«Қызылжар» орталық мешітінің

баспасөз қызметі