Өткен аптада Ақтөбе облысына іс-сапармен келген теолог-ғалымдар Ерсін Әміре және Қайрат Құрманбаев бірнеше мешіт жамағатымен жүздесті. Атап айтқанда, «Нұр Ғасыр» облыстық орталық мешіті, «Нұрдәулет» және Ақтөбе қалалық орталық мешіттерінде «Амалдардың реттілігі», «Ақылдың азығы - білім», «Дінді дұрыс түсіну» тақырыптарында уағыз-насихат  айтты. Аталған жиындарға жалпы саны 1600-ге жуық жамағат қатысты.

Бұдан бөлек, «Нұр Мүбәрак» Египет Ислам мәдениеті университетінің аға оқытушысы Қайрат Құрманбаев және бір топ жамағатпен кездесіп, оларға экстремизм жайлы түсіндірме жұмыстарын жүргізді және сауалдарына жауап берді.

«Нұр Ғасыр» облыстық орталық мешітінің баспасөз қызметі