10 қаңтар күні «Нұр Ғасыр» мешітінің асханасында мүгедек балалар қоғамының тәрбиеленушілері мен ата-аналарына арналған дастархан жайылды. Шараға «Аналар» үйінің меңгерушісі Таңшолпан Зағитқызы және оның қамқорындағы кісілер қатысты. Ақтөбе өңірінің өкілі Т.Оспан іс-шараның ашылуына қытысып, өз ізгі тілектерін білдіріп, уағыз айтты.

Дайындап келген жыр-термелерін тарту еткен бүлдіршіндердің әрқайсысына сый-сияпат берілді. Ата-анасын Меккеге апаруды армандап өлең шырқаған бүлдіршінге өкіл имам өзінің арнайы сыйлығын табыс етті. Ризашылықтарын танытқан ата-аналар мен балалардың жүздеріне шаттық ұялады. Іс-шара барысында спорттық ойындар мен «Ең үздік суретші» атты логикалық ойындар өткізілді.

Кеш соңында қайырымдылық акциясы аясында келуші қонақтарға азық-түлік толы дорба таратылды.

«Нұр Ғасыр» облыстық орталық

мешітінің баспасөз қызметі