Маңғыстау облыстық орталық мешітінің сауат ашу курсынан дəріс алып жүрген қыз-келіншектерге тігіннен шеберлік сыныбы өткізілді. Шараны бастан аяқ ұйымдастырып,  арнайы маман алдырып, қыз - келіншектердің басын қосқан  мешіттің əйелдер секторы басшысының айтуынша,  мұндай шара мұсылман əйелдердің сұранысына орай жасалып отыр.

Шеберлік сыныбында əйелдер тігінші маманнан бір күн бойы қажетті ақыл - кеңестерін алып, тігін тігудің қыр-сырын үйренген. «Əсіресе көрпе тігу, құрақ құрау, көрпеге ою жапсыру, пішу, қыз жасауының қалай жасалуы секілді сабақтардан əйелдер өздеріне пайдалы мағлұмат алды. Алдағы уақытта тағы да өткізсек деген жоспарымыз бар", - дейді Г.Жұмағалиева.

Маңғыстау облыстық орталық мешітінің баспасөз қызметі