«Мейірім мен кешірім діні – Ислам діні адамзат баласын бауырмалдыққа шақыратын дін. Сондықтан да шариғат жүйесінде салт-санамызға қайшы келіп, ұлттық болмысымызды жоққа шығаратын ұстанымдардың болуы мүмкін емес. Өкінішке қарай, кейбір жастарымыз бүгінгі таңда адасқан ағымдардың жетегіне еріп, дінімізге күйе жағуда. Бұл – білімсіз, яғни діни, тарихи сауатсыздықтан туындап жатқан жағдай. Жастар – біздің болашағымыз, елдің ертеңі. Сол себепті жастарымыздың жат ағымға еріп, баба салтына мойынсұнбауы – түптеп келгенде, ел бірлігінің бұзылуына алып келетін рухани дерт», – деді бас имам өз сөзінде.

Сондай-ақ, Батыржан Берденұлы 500-ден астам студент қамтылған аудитория алдында жат ағым құрығынан сақтанудың бірден-бір жолы діни сауаттылықты арттырып, тарихи сананы қалыптастыруда жатқанын айтты.

Шара соңында студенттер бас имамға толғандырып жүрген сұрақтарын қойып, еркін пікір алмасты.

«Иманғали» орталық мешітінің

баспасөз қызметі