Ардақты пайғамбарымыздың (ол кісіге Алланың игілігі мен сәлемі болсын) хадисінде: «Қиямет күні менің көліме көптеген қауым келеді. Мен оларды көп салауат айту себебі арқылы танимын»-делінген.
Өзге хадистерде: «Егер бір құлдың көзінен Құдайдан қорқып жас ақса, сол көз жастан Алла тағала бір тал жаратады, ол талдың аты «бақыт талы» деп аталады екен. Талға қайғыменен қорқыныш желі соққанда, «Ей, Мұхаммед» деген мұңлы дауыс шығады, ол дауысты Алла Тағала әз пайғамбарымыздың (ол кісіге Алланың игілігі мен сәлемі болсын) қабіріне жеткізген кезде, үмметінің қайғысынан пайғамбарымыздың мүбәрәк көздерінен жас тамады, сол көз жастан Алла тағала «шапағат талын» жаратады, осы шапағат талына пайғамбарлық желі соққанда «үмметім» деген дауыс шығады, осы дауысты жеті қат аспанға шығарғанда періштелер естіп, «Ей, Мұхаммедтің үмметі» деп жылайды екен, бұл дауысты естіген Алла Тағала: «Уа, періштелерім, сендерді не жылатқан не нәрсе?»,- деп сұрағанда періштелер: «Раббым! Көместерді көруші, біз Мұхамметтің үмбеті үшін жылаудамыз»,- деп жауап береді. «Мұхаммедтің үмметінен кімде-кім көзіне жас алып жылаған болса, Мен оларды жарылқадым соған сендер (періштелер) куә болыңдар»,-деп айтылады.
Егер адам баласының бойынан мына сегіз нәрсе табылар болса, онда тәубеснің де кәміл болғаны:  
1. Өткен күнәларды ойлап, көкірегі қарс айырылса
2. Мойынына артылған парыздарды өтесе
3. Біреуге келіп тұрған зұлымдықты қайтарса
4. Өзін ренжіткен адамды кешірсе
5. Өткен күнәларын істемеймін деп бел буса
6. Күнәні оңай істегені тәрізді Құдай Тағалаға құлшылығын оңай өтеуге өзін-өзі дағдыландырған болса
7. Күнәнің дәмін татқандай, құлшылықтың да тәтті дәмін татуға тырысса
8. Ішкен-жегені адал болса

Абдулла ибн Масғуд жеткізген ардақты пайғамбарымыздың (ол кісіге Алланың игілігі мен сәлемі болсын) хадисінде: «Алла елшісі сахабаларынан: «Шын тәубә қылған адамның қандай болатынын білесіңдер ме?»,- деп сұрайды. Сонда олар: «Алла және Оның елшісі жақсы біледі»,- деп жауап береді. Сол кезде пайғамбарымыз (ол кісіге Алланың игілігі мен сәлемі болсын):  «Кімде-кім тәубә етіп білімін арттырмаса, тәубесі кәміл емес. Кімде-кім тәубе қылып, құлшылықтағы әрекетін күшейтпесе, тәубесі кәміл емес. Кімде-кім тәубеге келіп, ренжіскен адамдарды кешірмесе, тәубесі кәміл емес. Кімде-кім тәубесін айтып, киімін және жүріс тұрысын өзгертпесе, яғни ұятты жерін жаппаса, тәубесі кәміл емес. Кімде-кім тәубе деп, ортасын өзгертпесе, яғни күнәғә тартатын достарынан айрылмаса, тәубесі кәміл емес. Кімде-кім тәубеге келдім деп, мінез-құлқын өзгертпесе, тәубесі кәміл емес. Кімде-кім тәубе еттім деп, төсегін және үй-ішін жинамаса, яғни отбасына деген қарым- қатынасын өзгертпесе, тәубесі кәміл емес. Кімде-кім тәубеге келдім деп, (жағдайы келіп тұрып) садақа бермесе, тәубесі кәміл емес»,-дейді. Егер осы аталғандар таныс болар болса, сақтанып шынайы тәубеге келген абзал.
Пайғамбарымыздың тағы бір хадисінде: «Егер адам мен тозақ отынан қорқамын дей тұрып, күнәдән тоқтамаса - ол адам өтірікші. Егер бір адам мен жәннәтқа барғым келеді деп, соған лайық амал етпесе - ол адам өтірікші. Егер бір адам мен пайғамбарды жақсы көремін деп сүннетін амалға асырмаса - ол адам жалған сөйлеуші. Егер де бір адам жұмақтағы хор қыздарына үйленгім келеді деп, мәһрін дайындамаса - онда ол адам өтірікші, мәһір дегеніміз-адамның істеген ізгі амалдары. Шындығында тәубесіне келген адамды Алла Тағала және оның елшісі жақсы көреді, себебі Құранда Алла Тағала былай деді:

Және де пайғамбарымыз (ол кісіге Алланың игілігі мен сәлемі болсын):

Алла Тағала бұл жайлы Құранда:

Бұл аят Мұсаға қарсы шыққан перғауынға қатысты түскен. 

Қадірменді мұсылман қауым! Тәубенің есігі әрдайым ашық, сол себепті Алла Тағалаға тәубе етейік, әрқашан тәубе есігі ашық екен деп қапы қалмайық, ажал деген қас қағымдық сәт, үлгермей Жаратушымыздың алдына құр қол бармайық. Ардақты пайғамбарымыз (ол кісіге Алланың игілігі мен сәлемі болсын) хадисінде: «Шығынға ұшыраған адам кім екенін білесіндер ме?,»- дегенде, сахабалар (оларға Алла разы болсын): «Уа, Расулалла сауда қылып саудасында шығынға ұшыраған адам»- деп жауап бергенде, пайғамбарымыз: