Қазақ халқы ғасырлар бойы көз тиюге айырықша мән берген. Демек, бұл құбылыс кездейсоқ емес бар болғандықтан ұлтымыз одан сақтанудың және арылудың жолдарын қарап келген. Қандай бір таңғалған жағдайда «тіл көз болмасын», «тілім тасқа» деп ырымдап барып, өзінің таңданысын жеткізуі тегін емес болса керек.

Халық ауыз әдебиетінде де тіл-көз тиіп қайтыс болыпты деген тіркестер көп кездеседі. Күні бүгінге дейін тіл-көзден сақтану ең бір маңызды сауал болып отыр.

Исламда да бұл мәселеге үлкен маңыз берілген. Ардақты пайғамбарымыз (ол кісіге Алланың игілігі мен сәлемі болсын):

Тіл-көзден сақтану үшін алдымен адамның рухани күші берік болу керек. Ол үшін Ұлы Алла Тағалаға сыйыну, ішкі қарсылық күшті арттырудың маңызы зор.

Тіл-көзден сақтану үшін «Қалам» сүресінің 51-52 аяттарын, «Фатиха», «Аятул-курси», «Фалақ» және «Нас» сүрелерін үнемі оқып жүру қажет делінген. Бұл сүрелер адамды тіл-көзден, көлденең қатерлерден сақтайтын сүрелер болып табылады. Алланың есімдерін, сипаттарын, Алланың  аты бар аяттарды оқудың септігі орасан.

 Сонымен бірге адамның назарын аударатын, елдің қызығушылығын туғызатын жақсы заттар ұстау, бағалы киімдер секілді  айналадағы жандардың қызғанышын оятудан сақтанып жүру керек.

 Қандай да бір әркетіңізді мақтаған адамға «Аллаға шүкір» деңіз, «машалла» десеңіз деген секілді ықыласыңызды сыпайы жеткізу тіл-көзден сақтанудың бір жолы болмақ. Алла Елшісі (ол кісіге Алланың игілігі мен сәлемі болсын): «Кімде-кім өзіне қатты ұнаған бір нәрсе көрсе, «Машалла, баракалла» десе, оның қараған нәрсесіне көз тимейді»,– деп өсиет айтқан. Бұл өсиет адамның жадында жүретін жайттар болуы керек. 

 Көз тиюден арылудың мынандай жолдары бар:

Алладан жәрдем сұрау қажет. Дұға жасау, ол дұға шариғатымызда  «руқия» деп аталады. Имам Муслимнің хадис жинағында «Бисмилләһи урқикә мин кулли шайин иузикә мин кулли хасидин уә ъайнин уа Аллаһу иашфикә» деген Жебрейіл періштенің ардақты пайғамбарымызға (ол кісіге Алланың игілігі мен сәлемі болсын) білдірген рұқия дұғасы келген. «Алланың атымен... Саған қиындық пен ауыртпалық берген барлық нәрседен, әрбір жанның және кез келген қызғаншақ, көреалмаушының жамандығынан саған руқия жасаймын (Саған дем саламын). Шипа беруші – бір Алла ғана. Алланың атымен руқия жасаймын (жалбарынамын)»,-делінген (Муслим, Сәләм 40)

 Бірде Жағфар ибн Әбу Тәліптің екі баласын пайғамбарымызға (ол кісіге Алланың игілігі мен сәлемі болсын) алып келген кезде балалардың күтушісінен: «Бұлар неге азып кеткен?»,– деп сұрайды. Сол кезде ол: «Уа, Алланың елшісі, оларға көз тиген. Оқытуға қалай қарайтыныңызды білмегендіктен оларды оқытпадық»,– деген кезде Алла елшісі:

 Қорыта айтқанда, осы хадистерге қарап отырып, көз тиген кезде дұға оқып, дем салудың маңызды екенін аңғарамыз. Дем салған кезде тек Құран аяттары мен хадистердегі дұғалар болуы шарт.

"Құдай тіл-көзден сақтасын" деп дұға етіп жүрудің де еш артықшылығы жоқ.