Алайда осы бір көркем міндетті атқаратын адамға ие болуы сүннет болып табылатын бірнеше қасиеттер тән болуы қажет:

1) Қыбланың қай жақта екенін біліп, намаз уақытының келгенін анықтай алатын болуы керек;

2) Саналы әрі ақыл-есі дұрыс болу;

3) Жақсы адам болып, күнә жасаудан аулақ болу;

4) Алла Елшісінің (оған Алланың салауаты мен сәлемі болсын) сүннетін білуі;

5) Салмақты, қарапайым әрі тәрбиелі болу;

6) Жамағатты жақсы білу, намазға сылғырт қарап жүргендерге дөрекі сөйлемей, тіл тигізбей ақыл айту;

7) Осынау мәртебелі істе тұрақтылық танытып, дәлелді себепсіз жібермеу;

8) Осы міндетті тек Алла разылығы үшін атқарып, мүмкіндігінше, сол үшін ақы сұрамау. Хадистердің бірінде былай айтылған: «Кімде-кім ақы сұрамай,  Алла разылығы үшін, азаншының міндетін атқарса, сол шахидке ұқсас болады. Өлген соң оның денесі шіру мен құрттардың жеуінен сақталады»;

9) Мүмкіндігінше аталмыш жердің отырықшы тұрғыны болу керек. Жолаушы да азан шақыра алады, алайда, отырықшы тұрғынның шақырған азаны жақсырақ;

10) Азан мен қамат бір адаммен айтылуы тиіс. Егер азан шақырып болған соң, азаншы мешіттен шығып кетсе, онда оның орнына қаматты басқа біреудің айтуына болады;

11) Кәмелетке толған болуы.