Жауап: Егер қажылық умрамен бірге өтелсе, онда ол таматту-қажылық немесе қыран-қажылық деп аталады. Қажылықтың кез-келген осы түрлерін өтеушілерге құрбандық шалу қажет болып табылады.

Алайда ифрад-қажылық түрін өтеуде құрбандық шалу қажетті шарт болып табылмайды. Қажылықтың  бұл түрін өтеуде адам ихрамға тек қажылықты өтеу ниетімен ғана кіреді.  Осы қажылық кезінде құрбандық шалу талап етілмейді. Бұл қажылықты өтегеннен кейін адам умраны да өтей алады. Мұнда тұрған еш әбестік жоқ.  Өтейтін қажылық түрін таңдау адамның өзіне байланысты.

Қажылық кезінде құрбандыққа шалынған мал еттері бұзылмайды. Еттер бірден қатыруға тапсырылады, содан кейін нақты елдерге апарылып, кедейлер мен мұқтаж жандарға таратылады.