«Маған Тозақ көрсетілді. Ол жердің басым көпшілігі шүкіршілігі жоқ әйелдер болды»

Абдулла ибн Аббастан жеткен риуаятта Алла Елшісінің (оған Алланың салауаты мен сәлемі болсын) былай айтқаны келтірілген: 

Бұл әйелдерге жылдар бойы жақсылық жасалынады, бірақ егер бір рет оларға ұнамсыз бір нәрсе жасалып қойылса, олар: «Сенен ешқашан бір жақсылық көрген емеспін», - деп айтады» (Бұхари, Иман, 21; Мүслім, Иман, 132).

Бұл сенімді хадисті Бұхари мен и Мүслім келтірген.

Аталмыш хадистің негізгі тақырыбы — шүкіршілік етпеу болып табылады.  Еркектердің әйелдерде құқығы бар болса, сөзсіз, әйелдердің де еркектерде құқығы болады. Рақмет айтпау, шүкіршілік етпеу — жанұя бақытын бұзатын фактор болып табылады. Ал Алла Елшісі (оған Алланың салауаты мен сәлемі болсын) дәл осыған ерекше мән берген еді.  

Келесі хадисте өте маңызды нәрсе айтылған: «Кімде-кімнің адамдарға рақметі болмаса, оның Аллаға да рақметі болмайды». Бұл хадисте әйелдердің шамадан тыс рақметінің жоқтығы, олардың Алла Тағалаға да рақметінің жоқтығының белгісі болып табылады (Ибн Хаджар, Фатхул-Бари, 83).

Егер еркектердің де рақметі болмаса, онда бұл жағдайда, хадистерде көрсетілгендей олар да әйелдер сияқты дәл сондай қауіпте болады.