«Бір адам басқа елді-мекенде тұратын бауырының халін білмек үшін сапарға шықты. Сонда Алла оның жолына бір адам кейпіндегі періштені жіберді.

Періште оның жанына келіп:

–  Қайда сапарға шықтың?-деп сұрады.

Әлгі адам:

– Мен осы ауылдағы бауырыммен кездескім келеді,-деді.

Періште оған былай дейді:

– Сен мұнымен қандай да бір дүниелік пайда көздейсің бе?

– Жоқ, мен оны бар болғаны Алла разылығы үшін жақсы көремін.

Сонда періште: 

– Ақиқатында,бауырыңды Алла үшін қалай жақсы көрсең, сені де Алла Тағаланың дәл солай жақсы көргенін хабарлау үшін келген елшімін», - деді».