Хазіреті пайғамбарымыздың қызметшісі Рабиға бин Кағб әр түні Алла Елшісімен (с.ғ.с.) бірге тұрып, ол кісінің дәрет суын дайындап, барлық істерін мұқият орындайтын.
Бір күні Мұхаммед (с.ғ.с.) пайғамбарымыз оған:
-Менен не қалайсың? - деді. Ол кісі барлық мұсылмандардың ортақ тілегі болған мына сөзді айтты:
-Иә, Алланың Елшісі! Жәннатта сізбен бірге болуды қалаймын.
Пайғамбарымыз (с.ғ.с.) оған:
-Басқа қалайтын еш нәрсең жоқ па? - деп сұрады.
-Жоқ. Тек қана сізбен бірге жәннатта болуды қалаймын, - деп нақ жауабын қайырды.
Сонда пайғамбарымыз Мұхаммед (с.ғ.с.) қызметшісіне:
- Олай болса, көп-көп сәжде етіп, өз есебіңе берік болу арқылы маған жәрдемші бол!, - деді.
Әзірлеген Қайырбек Отызбаев,
"Иманғали" орталық мешітінің наиб имамы
Пікірлер (0)
Тіркелген қолданушылар ғана пікір қалдыра алады. Сайтқа кіру