Осы айқын қасиеті үшін де Пайғамбарымыздың сүйіспеншілігіне бөленді. Бір күні Мәдинаның көшелерінде ел көшкендей дауыстар естілді.

Мүминдердің анасы Айша (р.а.): “Бұл не?”, – деп сұрайды. “Абдуррахман ибн Ауфтың керуені ғой”, – деп жауап береді айналасындағылар.

Айша анамыз сол кезде: “Аллаһ елшісінің: «Абдуррахман ибн Ауфты Жәннатқа еңбектеп кіріп бара жатқанын көрдім» дегенін құлағым шалып қалды”, – дейді.

Бұл сөздер Абдуррахман ибн Ауфтың құлағына жеткен кезде: “Егер Жәннатқа түрегеп кіруге шамам жетер болса, бұл керуенді жүктерімен қоса Аллаһ жолына атадым”, – деген.

Өмірінің соңына дейін отыз мың құлды азат етіп, Бәдір шайқасына қатысқандарға төрт мың динар беруді өсиет етіп кеткен.

 «Саңлақ сахабалар» кітабынан