Алла Елшісі (с.ғ.с.) оларға сұрағанын берді, сосын олар тағы да бір нәрсе сұрады, сұрағандарын тағы берді, олар сосын тағы да бір нәрсе сұрады, оларға сұрағанын тағы да берді, соңында өзінде барының бәрін берді.

Сосын былай деді: “Маған не берілсе де, мен оны сендерден еш уақытта жасырмаймын. Дегенмен, естеріңде сақтаңдар, кімде-кім ұстамдылыққа тырысса, Алла оны ұстамдылыққа алып келеді, кімде-кім өз күшімен ғана істеуге тырысса, Алла оны басқа адамдарға жалбарынудан сақтайды, ал кім сабыр сақтаса, Алла оған сабыр береді және ешкім сабырдан артық сый алған емес». (Бұхари, Мүслім).