Ардақты сахабамыз Муаз ибн Жәбал (р.а.) ұлына бірде былай деп өсиет айтыпты:

«Әй, ұлым! Намаз оқығанда, сол намазды соңғы оқып тұрған намазым деп біл. Енді намаз оқи алмауым мүмкін деп ойла.

Әй, ұлым! Мүмин кісі екі сауапты істің ортасында жан тәсілім етуі тиіс. Яғни, мүмин бір сауапты істі істегенде, келесі бір сауапты істі істеуге де ниетті болуы керек.

Шайтанның алдауына ерме. Шайтан сауда-саттық орындарында өтірік айтқызу, ант ішкізу, алдау-арбау арқылы мұсылмандарды жолдан тайдыруға тырысады. Ол базарға ерте барып, кеш қайтатындарды көбірек үйірсектейді».