ҚМДБ «Зекет және қайырымдылық» қоры Абай облыстық өкілдігінің ұйымдастыруымен және қайырымдылыққа жаны құмар кәсіпкер азаматтардың қолдауымен «Рамазан қоржыны» акциясы өтіп, 200 отбасыға азық-түлік таратылды.

Игі шараның алдында сөз алған Абай облысының бас имамы Асқар Әбітайұлы халыққа Рамазан айының берекесін тілеп, мұқтаж отбасыларға жылы лебізін арнады.

Қайырымдылық айы саналатын Рамазанда ардақты пайғамбарымыз Мұхаммедтің (оған Алланың салауаты мен сәлемі болсын) жомарттығы одан сайын арта түсетін болған екен. Алла елшісін үлгі тұтқан дін жанашырларының осы бір сауапты істеріне халық дән ризашылықтарын білдірді.