Қазақстан мұсылмандары діни басқармасының төрағасы Наурызбай қажы Тағанұлы Қостанай облысына барған жұмыс сапарында орталық мешітте Ахмет Байтұрсынұлының рухына арнайы Құран хатым дұғасын бағыштады.

«Алла Тағала ұлтымыздың болашағы үшін құрбан болған Ахмет Байтұрсынұлы бабамызды рақымына бөлеп, жәннатын нәсіп еткей. Оның ел игілігі жолындағы жанқиярлықпен жасаған ізгі істеріне мол сауап жазғай. Алла Тағала халқымыздың ертеңі үшін жанын пида еткен барша ата-бабаларымызды мейіріміне бөлеп, рақымына алғай» деп дұға жасады Наурызбай қажы Тағанұлы.